Jasla maddessery point and real answser

ഒരു സഹോദരി ചില ഖുർആൻ ആയത്തുകൾക്ക് ചില തെറ്റ് ആയ അർത്ഥം സോഷ്യൽ മീഡിയ വഴി കാണിച്ചിരിക്കുന്നു.
ആ സഹോദരിക്ക് വേണ്ടിയും അവളുടെ ആ വാക്കുകൾ ശരി ആണെന്ന് വിശ്വസിച്ചവർക്കും വേണ്ടി ആ ആയത്തുകളും അവയുടെ ശരി ആയ അർത്ഥവും വെക്കുന്നു...

 نِسَاؤُكُمْ حَرْثٌ لَّكُمْ فَأْتُوا حَرْثَكُمْ أَنَّىٰ شِئْتُمْ ۖ وَقَدِّمُوا لِأَنفُسِكُمْ ۚ وَاتَّقُوا اللَّـهَ وَاعْلَمُوا أَنَّكُم مُّلَاقُوهُ ۗ وَبَشِّرِ الْمُؤْمِنِينَ ﴿٢٢٣﴾

 നിങ്ങളുടെ ഇണകൾ (ഭാര്യമാർ ) നിങ്ങളുടെ കൃഷിയിടം ആകുന്നു.
 അതുകൊണ്ട് ഉദ്ദേശിക്കുന്ന വിധം സ്വന്തം കൃഷിയിടത്തിലേക്ക് നിങ്ങൾക്ക് ചെല്ലാം.
 നിങ്ങൾക്കുവേണ്ടി( സൽ  ക്രമങ്ങൾ) മുൻകൂട്ടി ചെയ്തു വെക്കുക.
 നിങ്ങൾ അല്ലാഹുവിനെ ഭയപ്പെട്ട് ജീവിക്കുകയും അവനുമായി കണ്ടുമുട്ടുക തന്നെ ചെയ്യും എന്ന് മനസ്സിലാക്കുകയും ചെയ്യുക. ( നബീ ) സത്യവിശ്വാസികൾക്ക് താങ്കൾ സന്തോഷവാർത്ത അറിയിക്കുക.

( സൂറത്തുൽ അൽ ബഖറ  223 ).

വിശദീകരണം


 ഭാര്യയും ഭർത്താവും എന്നതിന് ശരീരം മറക്കാൻ ഉപയോഗിക്കൂന്ന  വസ്ത്രം എന്നാണ് ഖുർആനിക കാഴ്ചപ്പാട്.
 അതായത് ഒരു ഭർത്താവ് അവളുടെ അടുത്ത് ഏത് സമയത്തും കടന്നുചെല്ലാം ഇവിടെ കാണിക്കുന്നു തിരിച്ചും ഭർത്താവിന്റെ അടുത്തേക്ക് ഭാര്യക്കും എപ്പോഴും ചെല്ലാം എന്ന് ഇവിടെ കാണുന്നു.
 ഭാര്യ എന്നത് ഭർത്താവിന്റെ കൃഷിയിടം എന്ന് കാണിച്ചത് അവന്റെ സന്താനങ്ങൾ അവൾ വഴി ആണ് ജനിക്കുന്നത്.
 അതുകൊണ്ട് ഭാര്യ ലൈംഗികപരമായി ആഗ്രഹിക്കുന്ന ഏതു സമയത്തും അവളുടെ ഭർത്താവ് ലൈംഗികപരമായി ബന്ധപ്പെട്ട്
 സന്താനങ്ങൾ ജനിക്കണമെന്ന് അള്ളാഹുആവശ്യപ്പെടുന്നു.
 ഒരു കൃഷിക്കാരൻ അവന്റെ കൃഷിയിടം പരിപാലിക്കുന്ന പോലെ അവളെ പൂർണ്ണമായി പരിപാലിക്കണം എന്നും
 ഇനി ഒരു കൃഷി കാരി തന്റെ കൃഷിയിടം സംരക്ഷിക്കുന്നതുപോലെ ഭർത്താവിനെയും സംരക്ഷിക്കണം എന്നും ഇതിൽ ചൂണ്ടിക്കാണിക്കുന്നു. ഇവിടെ കൃഷിയിടം എന്ന് ഉദ്ദേശിച്ചത് ഭാര്യയും ഭർത്താവും ബന്ധത്തെയാണ്. ഭാര്യ ആണ് പ്രസവിക്കുന്നത് അതുകൊണ്ടാണ്
 ഭർത്താവിനെ കൃഷിക്കാരൻ അല്ലാഹു ഉദ്ദേശിച്ചത്.

 അതുപോലെ നല്ല കാര്യങ്ങൾ മുൻകൂട്ടി ചെയ്തു വെക്കണമെന്ന് അല്ലാഹു ആവശ്യപ്പെടുന്നു.
 നാളെ പരലോകത്ത്  ജീവിക്കാനാവശ്യമായ കർമ്മങ്ങൾ ഈ ലോകത്ത് തന്നെ  ചെയ്തു വെക്കണം ദമ്പതിമാരോട്  ആവശ്യപ്പെടുന്നു
 നാളെ അല്ലാഹുവിനെ കണ്ടുമുട്ടുമെന്ന് തീർച്ചയാണ്
 എന്നാൽ ആ സമയത്ത് അള്ളാഹുവിന്റെ തൃപ്തി കിട്ടണമെങ്കിൽ ഈ ലോകത്ത് നല്ല നല്ല കാര്യങ്ങൾ നിർബന്ധമായും ചെയ്തു വെക്കണം.

 ഇതാണ് ഈ ആയത്തിന്റെ ആശയം.


 قُلْ يَا أَهْلَ الْكِتَابِ لِمَ تَكْفُرُونَ بِآيَاتِ 
اللَّـهِ وَاللَّـهُ شَهِيدٌ عَلَىٰ مَا تَعْمَلُونَ ﴿٩٨
(3-98 ) പറയുക.ഓ  വേദക്കാരെ അല്ലാഹുവിന്റെ ദൃഷ്ടാന്തങ്ങളെ നിങ്ങൾ നിഷേധിക്കുന്നത് എന്തിനാണ്?
 നിങ്ങൾ പ്രവർത്തിക്കുന്നതിനെല്ലാം അല്ലാഹു സാക്ഷിയാകുന്നു.

( സൂറത്ത് ആലു ഇംറാൻ)

 വിശദീകരണം.


 അല്ലാഹുവിന്റെ ദൃഷ്ടാന്തങ്ങൾ ആരു  നിഷേധിച്ചാലും
 ആരു തള്ളിയാ  ലും ആരെല്ലാം അംഗീകരിച്ചാലും എല്ലാം അള്ളാഹു കൃത്യമായി കാണുന്നുണ്ട്.
 ഏതു വിശ്വാസി ഏത് പ്രവർത്തനം ചെയ്താലും എല്ലാം അള്ളാഹു കൃത്യമായി കാണുന്നുണ്ട്.
 അല്ലാഹുവിന്റെ ദൃഷ്ടാന്തങ്ങളെ ആർക്കും നിഷേധിക്കാൻ സാധിക്കില്ല.
 അല്ലാഹുവിന്റെ സൃഷ്ടിയെ ചോദ്യംചെയ്യാൻ ആർക്കും അവകാശമില്ല. ആരും കാണുന്നില്ല വെച്ച് അള്ളാഹു കാണാത്തവൻ അല്ല എല്ലാം കാണുന്നവൻ തന്നെയാണ് അള്ളാഹു.
 ഏത്   പ്രവർത്തനത്തിനും സാക്ഷി അല്ലാഹു തന്നെ മതി. അള്ളാഹു എല്ലാം കാണുന്നവൻ തന്നെ ആണ്..




الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّـهُ بَعْضَهُمْ عَلَىٰ بَعْضٍ وَبِمَا أَنفَقُوا مِنْ أَمْوَالِهِمْ ۚ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللَّـهُ ۚ وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ ۖ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا ۗ إِنَّ اللَّـهَ كَانَ عَلِيًّا كَبِيرًا ﴿
( 4--34) പുരുഷന്മാർ സ്ത്രീകളുടെ മേൽ നിയന്ത്രണാധികാരം ഉള്ളവരാകുന്നു. അവരിൽ ചിലരെ( പുരുഷന്മാരെ) ചിലരേക്കാൾ( സ്ത്രീകളെക്കാൾ) ഉൽകൃഷ്ട രാക്കിയതു  കൊണ്ടും അവർ( പുരുഷന്മാർ) തങ്ങളുടെ ധനത്തിൽ നിന്ന് അവർക്ക്
( സ്ത്രീകൾക്ക്) ചെലവ് ചെയ്യുന്നത് കൊണ്ടുമാണ്( അങ്ങനെ നിശ്ചയിച്ചിട്ടുള്ളത്) അതുകൊണ്ട് ഉത്തമ സ്ത്രീകൾ അനുസരണമുള്ള വരും, അല്ലാഹു അവരുടെ താല്പര്യങ്ങൾ സംരക്ഷിക്കുകയാൽ ഭർത്താക്കന്മാരുടെ അസാനിധ്യത്തിൽ അവരുടെ താൽപര്യങ്ങൾ സംരക്ഷിക്കുന്നവരും ആകുന്നു. ഏതെങ്കിലും സ്ത്രീകൾ അനുസരണക്കേട് കാണിക്കുമെന്നു ഭയപ്പെടുന്നുവെങ്കിൽ അവരെ നിങ്ങൾ ഉപദേശിക്കുക.
( അത് ഫലിക്കാതെ ഇരുന്നാൽ) ശയന  സ്ഥാനങ്ങളിൽ അവരെ വെടിയുക.
( അതും ഫലിച്ചില്ലെങ്കിൽ) അവരെ അടിക്കുക. അങ്ങനെ നിങ്ങൾക്കു കീഴടങ്ങിയാൽ അവരെ സംബന്ധിച്ചു മറ്റൊരു മാർഗ്ഗവും അന്വേഷിക്കരുത്. തീർച്ചയായും അല്ലാഹു ഉന്നതനും വലിയവനും ആകുന്നു.

( സൂറത്ത് നിസാഹ്)

 വിശദീകരണം.

 ഭാര്യയുടെ മേൽ നിയന്ത്രണാധികാരം  വരുന്നത് അവൾക്ക് ചെലവിന് മറ്റും ഭർത്താവ് നല്കപ്പെടുന്ന ഭർത്താവിനാണ്‌. അയത് ഭർത്താവ് ഭാര്യയെ പരിപൂർണ്ണമായും എല്ലാവിധ ചെലവും ഭാര്യക്ക് നൽകി സംരക്ഷിക്കുമ്പോൾ ആണ് ഭർത്താവിന് അവരുടെമേൽ അവളെ നിയന്ത്രിക്കാനുള്ള അധികാരം വരുന്നത്.
 ഭർത്താവ് ചെലവ് കൊടുക്കുന്ന ഭാര്യ ഭർത്താവ് അറിയാതെ മറ്റു ഒരു രൂപ പോലും ചെലവഴിക്കാനും പാടില്ല.
 അതുപോലെ ഭർത്താവ് ഇല്ലാത്ത സമയത്ത് അവൾ മോശം ഏർപ്പാടിൽ പോവാനും പാടില്ല.
 അങ്ങിനെ വന്നാൽ ഭർത്താവ് അറിയുകയാണെങ്കിൽ അവളോട് പറയുക ഇനി അങ്ങനെ പോകരുത്.
 അവൾ വീണ്ടും മോശം ഏർപ്പാട് ചെയ്യുകയാണെങ്കിൽ അവളെ അവളുടെ വീട്ടിൽ കൊണ്ടാക്കി കൊടുക്കുക.
 എന്നിട്ട് കുറച്ചു കഴിഞ്ഞ ശേഷം അവളെ തിരികെ വിളിക്കുക. വീണ്ടും അതേ പ്രവർത്തനം അവൾ ചെയ്യുകയാണെങ്കിൽ അവളെ ഉപദേശിച്ച ശരിയാവുന്നില്ല എങ്കിൽ അവളെ അടിക്കുക. അങ്ങനെ ശരിയായാൽ അവളോട് ആ കാര്യത്തെ കുറിച്ച് സംസാരിക്കരുത്. അല്ലാഹു എല്ലാമറിയുന്നവൻ ആണെന്ന് ഭർത്താവും ഭാര്യയും മനസ്സിലാക്കുക. ഭാര്യ ഭർത്താവ് ഇല്ലാത്ത സമയത്ത് ഭർത്താവിന്റെ കടമകൾ ചെയ്യാൻ ബാധ്യസ്ഥരാണ്.
 അതുപോലെതന്നെ ശരീരം സംരക്ഷിക്കാനും അവൾക്ക് ബാധ്യതയുണ്ട്.
 ഇവിടെ ഭാര്യ മോശമാണെന്ന് പറഞ്ഞു വിവാഹ ബന്ധം വേർപെടുത്താതെ ഇരിക്കാൻ വേണ്ടിയാണ് അല്ലാഹു ഇങ്ങനെ ഉപദേശിക്കുന്നത്. ഭാര്യ മോശമാണെന്ന് പറഞ്ഞു വിവാഹബന്ധം ഒഴിവാക്കരുത്.
 അവൾ മോശമാണെന്ന് ഭർത്താവിനു തോന്നുകയാണ് എങ്കിൽ അവളോട് അതിൽ നിന്ന് പിന്തിരിയാൻ ആദ്യം ഭർത്താവ് ആവശ്യപ്പെടണം.
 എന്നിട്ടും അവൾ ആ ബന്ധത്തിൽ നിന്ന് പിന്തിരിയാൻ ശ്രമിക്കുന്നില്ലെങ്കിൽ അവളെ അവളുടെ വീട്ടിൽ കൊണ്ടാക്കി കൊടുക്കാനാണ് അള്ളാഹു ആവശ്യപ്പെട്ടത്.
 എന്നിട്ടും അതേ പ്രവർത്തി അവൾ ചെയ്യുകയാണെങ്കിൽ അവളെ അടിക്കുക എന്നതാണ്.
 ഇതെല്ലാം ഭാര്യക്ക് പരിപൂർണമായും ചെലവിന് കൊടുക്കുന്ന ഭർത്താവിനുള്ള അവകാശത്തിൽ പെട്ടതാണ്. തന്റെ ഭാര്യ അവളുടെ എല്ലാ ചെലവിനും അവൻ കൊടുത്തു എന്നിട്ട് അവൾ മോശം തരത്തിലേക്ക് ഏർപ്പെടുമ്പോൾ ഉള്ള കാര്യമാണ് ഇവിടെ വിശദീകരിക്കുന്നത്.




يَا أَيُّهَا الَّذِينَ آمَنُوا لَا تَتَّخِذُوا الْكَافِرِينَ أَوْلِيَاءَ مِن دُونِ الْمُؤْمِنِينَ ۚ أَتُرِيدُونَ أَن تَجْعَلُوا لِلَّـهِ عَلَيْكُمْ سُلْطَانًا مُّبِينًا ﴿
(4--144) സത്യവിശ്വാസികളേ, നിങ്ങൾ സത്യവിശ്വാസികളെ വിട്ട് സത്യനിഷേധികളെ മിത്രങ്ങളാക്കി വെക്കരുത്.
 നിങ്ങൾക്ക് എതിരായി അല്ലാഹുവിനെ വ്യക്തമായ തെളിവ് ഉണ്ടാക്കി വെക്കാനാണോ നിങ്ങൾ ഉദ്ദേശിക്കുന്നത് ?

( സൂറത്തു നിസാഹ്-144 )

 വിശദീകരണം.


 അല്ലാഹു ഈ ഖുർആൻ ആയത്ത് പ്രവാചകൻ മുഹമ്മദ് നബി സല്ലല്ലാഹു അലൈഹിവസല്ലംക്ക് യുദ്ധ സാഹചര്യത്തിൽ ഇറക്കിയ ആയത്തുകളിൽ പെട്ടതാണ്.
 ഇവിടെ അല്ലാഹു പറയുകയാണ് ഒരേ വിശ്വാസമുള്ള ആളുകൾ തമ്മിലാണ് ബന്ധം വേണ്ടത് അതായത് അല്ലാഹുവിൽ വിശ്വസിക്കാത്ത പ്രവാചകനെ വിശ്വസിക്കാത്ത ആളുകളെ ഈ സമയത്ത് ബന്ധു ആയോ സുഹൃത്ത് ആയോ കാണരുത്. കാരണം അവർ വന്നിരിക്കുന്നത്
 അല്ലാഹുവിന്റെയും അവന്റെ പ്രവാചകനെയും ചോദ്യം ചെയ്യാനാണ് അതുകൊണ്ട് ഈ സമയത്ത് അവരെ ശത്രുവായി കാണണം എന്നതാണ് ഇവിടെ കാണിക്കുന്നത്.
 കാരണം യുദ്ധസമയത്ത് ബന്ധങ്ങൾക്ക് വില നൽകരുത് എന്നതാണ് ഉദ്ദേശിക്കുന്നത്
 പ്രവാചകനും അനുയായികളും യുദ്ധത്തിന് വന്നിരിക്കുന്നത് അല്ലാഹുവിന്റെ കല്പനപ്രകാരം ആണ് എന്നാൽ അവർ വന്നിരിക്കുന്നത് കൽപ്പനയെ ചോദ്യം ചെയ്യാനാണ് അതുകൊണ്ട് അവരെ ശത്രുവായി കാണണം എന്നാണ് അല്ലാഹുവിന്റെ റസൂലിനോട് അല്ലാഹു ഇവിടെ പറയുന്നത്..




يَا أَيُّهَا الَّذِينَ آمَنُوا لَا تَتَّخِذُوا الْيَهُودَ وَالنَّصَارَىٰ أَوْلِيَاءَ ۘ بَعْضُهُمْ أَوْلِيَاءُ بَعْضٍ ۚ وَمَن يَتَوَلَّهُم مِّنكُمْ فَإِنَّهُ مِنْهُمْ ۗ إِنَّ اللَّـهَ لَا يَهْدِي الْقَوْمَ الظَّالِمِينَ ﴿٥١
(5---51) സത്യവിശ്വാസികളേ, യഹൂദികളെ യും ക്രിസ്ത്യാനികളെയും നിങ്ങൾ രക്ഷാധികാരികൾ ആക്കി വെക്കരുത്. അവർ( നിങ്ങൾക്കെതിരെ) പരസ്പരം സഹായിച്ചു കൊണ്ടിരിക്കുന്ന രക്ഷാധികാരികളാവുന്നു. നിങ്ങളിൽ ആരെങ്കിലും അവരെ രക്ഷാധികാരി ആക്കി വെച്ചാൽ തീർച്ചയായും അവൻ അവരിൽ പെട്ടവനാണ്.
 ഉത്തരം അക്രമികളെ തീർച്ചയായും അല്ലാഹു നേർമാർഗത്തിൽ ആകുകയില്ല..

( സൂറത്തു മാഇദ.51 )

 വിശദീകരണം.


 ഇവിടെയും യുദ്ധ സാഹചര്യം തന്നെയാണ് പറയുന്നത്. അല്ലാഹു അവന്റെ റസൂലിനോട് പറയുകയാണ്.
 യഹൂദരും ക്രിസ്ത്യാനികളും പരസ്പരം സഹായിച്ചു കൊണ്ടിരിക്കുന്ന നിങ്ങളുടെ ശത്രുക്കളാണ് കാരണം നിങ്ങളുടെ വിശ്വാസത്തിന് എതിരാണ് അവരുടെ വിശ്വാസം അതുകൊണ്ട് അവർ ഇപ്പോൾ ഈ സാഹചര്യത്തിൽ ഒറ്റ വിശ്വാസത്തിൽ പെട്ട ആളുകളാണ് അതുകൊണ്ട് അവർ ഇപ്പോൾ നിങ്ങളുടെ ശത്രുക്കളാണ്.
 അതുകൊണ്ട് അവരെ ആ വിശ്വാസത്തിൽ ഇരിക്കുന്നവരെ നിങ്ങൾ നിങ്ങളുടെ വിശ്വാസത്തിന്റെ ഭരണകാര്യങ്ങൾ ഏൽപ്പിക്കരുത്. അങ്ങനെ വന്നാൽ അവർ ഇപ്പോൾ ഉള്ള വിശ്വാസം എതിർക്കുകയും അതുകൊണ്ട് നിങ്ങളും അവരെപ്പോലെ അല്ലാഹുവിന്റെ വിശ്വാസത്തിൽ എതിരെ പ്രവർത്തിക്കുന്ന ആളുകൾ ആയിത്തീരും
 അതിനാൽ അവരെ വിശ്വാസപരമായ കാര്യത്തിൽ നേതൃസ്ഥാനം കൊടുക്കരുത്. അങ്ങനെ വരുമ്പോൾ അത് അക്രമമായി തീരും അതിനാൽ വിശ്വാസപരമായ കാര്യത്തിൽ അവരെ മാറ്റി നിർത്തുക. അവരുടെ വിശ്വാസം അവർക്ക് തന്നെ നൽകിക്കൊണ്ട് നിങ്ങൾ നിങ്ങളുടെ വിശ്വാസം സംരക്ഷിക്കുക നിങ്ങൾ ശരിയാണെങ്കിൽ. ഇനി നിങ്ങൾക്ക് വിശ്വാസപരമായി അവരെ ചേർക്കണമെന്ന് ഉണ്ടെങ്കിൽ അത് അല്ലാഹു ആഗ്രഹിക്കുന്നില്ല.
 അവർ അവരുടെ വിശ്വാസം ചെയ്തുകൊള്ളട്ടെ നിങ്ങൾ ശരിയാണെങ്കിൽ അല്ലാഹുവിൽ അടിയുറച്ച വിശ്വാസം നിലനിർത്തിക്കൊണ്ട് പ്രവർത്തിക്കുക..




 إِنَّ شَرَّ الدَّوَابِّ عِندَ اللَّـهِ الَّذِينَ كَفَرُوا فَهُمْ لَا يُؤْمِنُونَ ﴿
(8--55) തീർച്ചയായും അല്ലാഹുവിങ്കൽ ഏറ്റവും നികൃഷ്ടരായ ജീവികൾ സത്യനിഷേധികൾ ആകുന്നു. അതിനാൽ അവർ ഒരിക്കലും സത്യത്തിൽ വിശ്വസിക്കുകയില്ല..

( സൂറത്തുൽ അൻഫാൽ--55 )

 വിശദീകരണം.


 തീർച്ചയായും അല്ലാഹുവിങ്കൽ ഏറ്റവും മോശപ്പെട്ട ആളുകൾ അവർ സത്യം മനസ്സിലാക്കിയിട്ടും പിന്നീട് സത്യവിശ്വാസത്തിനു എതിരെ പ്രവർത്തിക്കുന്ന ആളുകളാണ്

 കാരണം അവർക്ക് സത്യ വിശ്വാസം എന്താണെന്ന് വ്യക്തമായി അറിയാം എന്നാലും അവർ അല്ലാഹുവിനെയും അവന്റെ റസൂലിനെയും ചോദ്യം ചെയ്തു കൊണ്ടിരിക്കുന്നു. അവർ ആ ചോദ്യം ചെയ്തു കൊണ്ടേയിരിക്കും അങ്ങനെയുള്ള ആളുകളെ അള്ളാഹു വെറുക്കുന്നു
 നേരെമറിച്ച് അവർ തൗബ ചെയ്ത് അവരുടെ അല്ലാഹുവിലുള്ള വിശ്വാസവും പ്രവാചകന്റെ സുന്നത്ത് അനുസരിക്കുകയും ചെയ്യുകയാണെങ്കിൽ
 അങ്ങനെ അവർ മരണപ്പെട്ടാൽ അല്ലാഹു അവർക്ക് അവരുടെ പ്രവർത്തനങ്ങൾക്കുള്ള പ്രതിഫലം നൽകും.
 എന്നാൽ സത്യനിഷേധികൾ ഒരിക്കലും അത് അംഗീകരിക്കില്ല അവർ തുടർച്ചയായി അല്ലാഹുവിനെയും അവന്റെ റസൂലിനെയും ചോദ്യം ചെയ്തു കൊണ്ടേയിരിക്കും.
 അതുകൊണ്ട് അള്ളാഹു സത്യനിഷേധികളെ ഇങ്ങനെ കാണിക്കുന്നത്.




يَا أَيُّهَا الَّذِينَ آمَنُوا لَا تَتَّخِذُوا آبَاءَكُمْ وَإِخْوَانَكُمْ أَوْلِيَاءَ إِنِ اسْتَحَبُّوا الْكُفْرَ عَلَى الْإِيمَانِ ۚ وَمَن يَتَوَلَّهُم مِّنكُمْ فَأُولَـٰئِكَ هُمُ الظَّالِمُونَ 

(  9--23 ) സത്യവിശ്വാസികളേ, സ്വന്തം മാതാപിതാക്കളും സഹോദരന്മാരും സത്യ വിശ്വാസത്തിനെതിരെ നിഷേധത്തെ ആണ് തെരഞ്ഞെടുത്തു  എങ്കിൽ അവരെ നിങ്ങൾ ബന്ധുക്കൾ ആക്കി വെക്കരുത്.
 ആരെങ്കിലും ബന്ധുക്കൾ ആക്കി വെച്ചാൽ അവർ അക്രമികൾ തന്നെയാണ്.

( സൂറത്തു തൗബ)

 വിശദീകരണം.


 നിങ്ങളുടെ സ്വന്തം മാതാപിതാക്കളും സഹോദരങ്ങളും ബന്ധുക്കളും സത്യനിഷേധികൾ ആണെങ്കിൽ അവരെ നിങ്ങൾ യുദ്ധസമയത്ത് അതായത് ഈ സമയത്ത് അവരെ നിങ്ങൾ ബന്ധുക്കളോ മിത്രങ്ങളായി കാണരുത് കാരണം അവർ അല്ലാഹുവിന്റെ സത്യത്തെ  നിഷേധിക്കുകയാണ് ഇപ്പോൾ ചെയ്യുന്നത്
 അല്ലാഹുവിന്റെ ശത്രുക്കൾ നിങ്ങളുടേയും ശത്രുക്കൾ തന്നെയാണ്. അതുകൊണ്ട് അല്ലാഹുവിനു വേണ്ടി യുദ്ധം ചെയ്യാൻ വന്ന വിശ്വാസികൾ യുദ്ധം ചെയ്ത് കൊള്ളുക.
 നിങ്ങൾ അവരുടെ മക്കളോ സഹോദരങ്ങളോ എന്ന്  ഇവിടെ കാണേണ്ട.
 നിങ്ങൾ അല്ലാഹുവിന്റെ മാർഗത്തിൽ യുദ്ധം ചെയ്യാൻ വന്നവർ ആണെങ്കിൽ.
 അത് മനസ്സിലാക്കുക
 ഇനി അവരോടൊപ്പം നിങ്ങൾ അവരെ സഹായിക്കുക യാണെങ്കിൽ നിങ്ങളും അല്ലാഹുവിന്റെ ശത്രുതയിൽ പെടും. എന്ന് മനസ്സിലാക്കുക.




 الزَّانِي لَا يَنكِحُ إِلَّا زَانِيَةً أَوْ مُشْرِكَةً وَالزَّانِيَةُ لَا يَنكِحُهَا إِلَّا زَانٍ أَوْ مُشْرِكٌ ۚ وَحُرِّمَ ذَٰلِكَ عَلَى الْمُؤْمِنِينَ
(24--03 ) വേശ്യയെയോ ബഹുദൈവവിശ്വാസിനിയെയോ അല്ലാതെ വ്യഭിചാരി വിവാഹം ചെയ്യുകയില്ല.
 വ്യഭിചാരിയോ ബഹുദൈവ വിശ്വാസിയോ അല്ലാതെ വേശ്യയെയോ  വിവാഹം ചെയ്യുകയില്ല.
 അത് സത്യവിശ്വാസികൾക്ക് നിരോധിക്കപ്പെട്ടിരിക്കുന്നു.


( സൂറത്തു  നൂർ )

 വിശദീകരണം.

 ഒരു സത്യവിശ്വാസി ബഹുദൈവ വിശ്വാസിയോ വ്യഭചാരത്തിൽ ഏർപ്പെട്ടിരിക്കുന്ന ഒരു സ്ത്രീയെ വിവാഹം ചെയ്യരുത്.
 അതുപോലെ സത്യവിശ്വാസിയായ ഒരു സ്ത്രീ ബഹുദൈവ വിശ്വാസിയായ ഒരു പുരുഷനെയും വ്യഭിചാരത്തിൽ ഏർപ്പെട്ടിരിക്കുന്ന ഒരു പുരുഷനെയും വിവാഹം ചെയ്യരുത്.
 അതായത് സത്യവിശ്വാസിയായ ഒരു സ്ത്രീ അല്ലെങ്കിൽ ഒരു പുരുഷൻ വ്യഭിചാരത്തിലേക്ക് പോവരുത് എന്നാണ് അല്ലാഹു ഇവിടെ പറയുന്നത്.
 നിങ്ങൾ സത്യവിശ്വാസികൾ ആണെങ്കിൽ അവരെ വിവാഹം ചെയ്ത ശേഷം ശാരീരിക ബന്ധത്തിൽ ഏർപ്പെടാം. അല്ലാതെ ശാരീരിക ബന്ധത്തിൽ ഏർപ്പെടരുത് ഇത് വിശുദ്ധ ഖുർആനിന് എതിരാണ്.
 അതുപോലെ ഒരു ബഹുദൈവവിശ്വാസിയുടെ ഭാര്യ എന്നത്
 അല്ലാഹുവിന്റെ വിധി പ്രകാരം ബഹുദൈവ വിശ്വാസി ആയിരിക്കാം.
 ഒരു സത്യവിശ്വാസിയായ പുരുഷൻ ബഹുദൈവ വിശ്വാസിയായ ഒരു സ്ത്രീയെയോ
 വേശ്യാ പ്രവർത്തനത്തിൽ ഏർപ്പെട്ടിരിക്കുന്ന സ്ത്രീയെയോ  അറിഞ്ഞുകൊണ്ട് വിവാഹം ചെയ്യരുത്.
 അതുപോലെ വേശ്യാ പ്രവർത്തനത്തിൽ ഏർപ്പെട്ടിരിക്കുന്ന ഒരു പുരുഷനെ സത്യവിശ്വാസി ആയ സ്ത്രീയും വിവാഹം ചെയ്യരുത്.
 ഇത് സത്യവിശ്വാസികൾക്ക് യോജിച്ചതല്ല.
 ഇനി ബഹുദൈവ വിശ്വാസിയായ ഒരു പുരുഷൻ മുൻപ് വേശ്യാ പ്രവർത്തനത്തിൽ ഏർപ്പെട്ടിരിക്കുന്നു എന്നതിനു ശേഷം അയാൾ സത്യവിശ്വാസത്തിലേക്ക് വന്നതിനുശേഷം സത്യവിശ്വാസിയായ സ്ത്രീയെ വിവാഹം ചെയ്യാം. അതുപോലെ ബഹുദൈവ വിശ്വാസിയായിരുന്ന ഒരു സ്ത്രീ മുമ്പ് വേശ്യാ പ്രവർത്തനത്തിൽ ഏർപ്പെട്ടിരിന്നു എന്നാൽ സത്യവിശ്വാസത്തിലേക്ക് വന്നതിനുശേഷം
 സത്യവിശ്വാസിയായ പുരുഷനെ വിവാഹം ചെയ്യാം.
 വേശ്യാ പ്രവർത്തനം സ്ത്രീക്കും പുരുഷനും ഇസ്ലാം അനുവദിക്കുന്നില്ല.
 വിവാഹത്തിനു ശേഷമാണ് സ്ത്രീക്കും പുരുഷനും അവർ തമ്മിൽ ലൈംഗിക ബന്ധത്തിന് അല്ലാഹു അനുമതി നൽകുന്നത്.

Comments

Popular posts from this blog

Quran Malayalam