02-Surathulbaqara -84-88

അധ്യായം -02
സൂറത്തുൽ ബഖറ
അവതരണം -മദീന
84---88 വരെ അർത്ഥം 



(84) നിങ്ങളുടെ രക്തം നിങ്ങൾ തന്നെ ചിന്തുകയില്ലെന്നും സ്വന്തം ഭവനങ്ങളിൽ ഇന്ന് നിങ്ങളെ പുറത്താക്കുകയില്ലെന്നും
 നിങ്ങളോട് നാം കരാർ വാങ്ങിയ സന്ദർഭവും
( നിങ്ങളോർക്കുക) പിന്നീട് അതിനു സാക്ഷ്യം വഹിച്ചു കൊണ്ട് നിങ്ങൾ അത് സമ്മതിക്കുകയും ചെയ്തു..

(85) എന്നിട്ട് കൂടി നിങ്ങൾ ഇതാ പരസ്പരം കൊല്ലുന്നു.
 നിങ്ങളിൽ ഒരു വിഭാഗത്തെ അവർക്കെതിരായി പാപമായും ശത്രുതാപരമായും പിന്തുണ നൽകിക്കൊണ്ട് അവരുടെ ഭവനങ്ങളിൽ നിന്ന് നിങ്ങൾ പുറത്താക്കുകയും ചെയ്യുന്നു. അവർ തടവുകാരായി നിങ്ങളുടെ അടുത്ത് വന്നാൽ പിഴ അടച്ച് അവരെ നിങ്ങൾ അവരെ രക്ഷപ്പെടുത്തുകയും ചെയ്യുന്നു. അവരെ പുറത്താക്കുന്നത് തന്നെ നിങ്ങളോട് വിരോധിക്കപ്പെട്ട താണ്.
 അപ്പോൾ വേദഗ്രന്ഥത്തിലെ ചില ഭാഗം വിശ്വസിക്കുകയും ചില ഭാഗം നിഷേധിക്കുകയും ആണോ നിങ്ങൾ ചെയ്യുന്നത്  ?
 നിങ്ങളിൽ അങ്ങനെ ചെയ്യുന്നവർക്ക് ഐഹികജീവിതത്തിൽ അപമാനം അല്ലാതെ മറ്റെന്താണ് പ്രതിഫലം ?
 പുനരുത്ഥാന നാളിൽ ആകട്ടെ അവർ അതി കഠിനമായ ശിക്ഷയിലേക്ക് തള്ളപ്പെടുകയും ചെയ്യും.
 നിങ്ങളുടെ പ്രവർത്തനങ്ങളെക്കുറിച്ച് അല്ലാഹു ഒട്ടും അശ്രദ്ധനല്ല.

(86) അവർ പരലോകത്തിന് പകരം ഐഹിക ജീവിതത്തെ വാങ്ങിയവർ ആകുന്നു. അതുകൊണ്ട് അവർക്ക് ശിക്ഷ ലഘൂകരിക്കപ്പെടുകയില്ല.
 അവരോട്ടു സഹായിക്കപ്പെടുകയും ഇല്ല.

(87) നിശ്ചയമായും നാം മൂസാനബിക്ക് ഗ്രന്ഥം നൽകി.

 അദ്ദേഹത്തിന് ശേഷം നാം തുടരെത്തുടരെ ദൂതന്മാരെ അയച്ചു.
 മറിയമിന്റെ  പുത്രൻ ഈസാനബിക്കു നാം വ്യക്തമായ ദൃഷ്ടാന്തങ്ങൾ നൽകുകയും, പരിശുദ്ധാത്മാവിനെ കൊണ്ട് അദ്ദേഹത്തെ നാം ബലപ്പെടുത്തുകയും ചെയ്തു.
 അപ്പോൾ നിങ്ങളുടെ മനസ്സുകൾ ഇഷ്ടപ്പെടാത്ത സന്ദേശങ്ങളുമായി ഓരോ ദൂതൻ നിങ്ങളുടെ അടുത്ത് വരുമ്പോഴെല്ലാം നിങ്ങൾ അഹന്ത കാണിക്കുകയും അങ്ങനെ ചിലരെ നിഷേധിക്കുകയും ചിലരെ വധിക്കുകയും ആണോ നിങ്ങൾ ചെയ്യുന്നത്?

(88) ഞങ്ങളുടെ ഹൃദയങ്ങൾ മുടികളിൽ അകപ്പെട്ടിരിക്കുന്നു എന്ന് അവർ
( ജൂതന്മാർ) പറയുന്നു. അല്ല. അവരുടെ സത്യനിഷേധം കാരണം അല്ലാഹു അവരെ ശപിച്ചിരിക്കുകയാണ്. അതിനാൽ വളരെ തുച്ഛമായോ  അവർ വിശ്വസിക്കുകയുള്ളൂ.


ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

Quran Malayalam