09-Surathu Ththouba 62--93

അദ്ധ്യായം-09
 സൂറത്തു ത്തൗബ 
 അവതരണം -മദീന
 സൂക്തങ്ങൾ 129
62മുതൽ 93വരെയുള്ള വചനങ്ങളുടെ അർത്ഥം
 പരമകാരുണികനും കരുണാനിധിയുമായ അല്ലാഹുവിന്റെ നാമത്തിൽ
( ഞാൻ ആരംഭിക്കുന്നു )

( 62 ) നിങ്ങളെ തൃപ്തിപ്പെടുത്താൻ വേണ്ടി അല്ലാഹുവിനെക്കൊണ്ട് അവർസത്യം ചെയ്യുന്നു.
 സത്യ വിശ്വാസികൾ ആണെങ്കിൽ അല്ലാഹുവിനെയും അവന്റെ റസൂലിനെയും തൃപ്തിപ്പെടുത്താനാണ് ഏറ്റവും ബാധ്യതയുള്ളത്.

( 63 ) അല്ലാഹുവിനോട് അവന്റെ ദൂതനോടും ആരെങ്കിലും എതിർത്തു നിൽക്കുന്നു വെങ്കിൽ തീർച്ചയായും അവർക്കുള്ളതാണ് നരകം എന്നും അവരതിൽ സ്ഥിര വാസി ആയിരിക്കുമെന്നും അവർ അറിഞ്ഞിട്ടില്ലേ?
 അതൊരു ഭീമമായ അപമാനമാകുന്നു.

( 64 ) തങ്ങളുടെ ഹൃദയത്തിൽ ഉള്ളതിനെ സംബന്ധിച്ച് സത്യവിശ്വാസികൾക്ക് വിവരം കൊടുക്കുന്ന ഒരു അദ്ധ്യായം
 അവർക്ക് ഇറക്കപ്പെടുന്നതിനെ കപടവിശ്വാസികൾ ഭയപ്പെടുന്നു.
 പറയുക.
 നിങ്ങൾ പരിഹസിച്ചു കൊള്ളുക.
 നിങ്ങൾ ഭയപ്പെടുന്നതിനെ  തീർച്ചയായും
 അല്ലാഹു പുറത്തുകൊണ്ടുവരുന്നവനാണ്.

( 65 ) താങ്കൾ ചോദിച്ചാൽ
" ഞങ്ങൾ തമാശ പറയുകയും, ആനന്ദം കണ്ടെത്തുകയും മാത്രമായിരുന്നു" എന്നവർ പറയും.
 അല്ലാഹുവിനെയും അവന്റെ വചനങ്ങളെയും റസൂലിനെയും കൊണ്ടാണോ നിങ്ങൾ പരിഹസിച്ചു കൊണ്ടിരിക്കുന്നത് എന്ന് താങ്കൾ ചോദിക്കുക.

( 66 ) നിങ്ങൾ ഒഴിവു കഴിവുകൾ ഒന്നും പറയേണ്ട.
 വിശ്വസിച്ചതായി പ്രഖ്യാപിച്ച ശേഷം നിങ്ങൾ സത്യം നിഷേധിച്ചിരിക്കുന്നു.
 നിങ്ങളിൽ ഒരു വിഭാഗത്തിന് നാം മാപ്പ് ചെയ്തു കൊടുത്താൽ മറ്റൊരു വിഭാഗത്തെ നാം ശിക്ഷിക്കും.
 അവർ കുറ്റക്കാരാകുന്നു എന്നത് തന്നെ കാരണം.

( 67 ) കപടവിശ്വാസികളും കപടവിശ്വാസിനികളും പരസ്പരം തുല്യരാകുന്നു.
 അവർ നിഷിദ്ധ കാര്യങ്ങൾ ഉപദേശിക്കുകയും, നല്ലതിനെ വിരോധിക്കുകയും പിശുക്ക് കാണിക്കുകയും ചെയ്യുന്നു.
 അവർ അല്ലാഹുവേ വിസ്മരിച്ചു. അപ്പോൾ അല്ലാഹു അവരെയും വിസ്മരിച്ചു.
 തീർച്ചയായും കപടവിശ്വാസികൾ കുറ്റവാളികൾ ആകുന്നു.

( 68 ) കപട വിശ്വാസികൾക്കും കപട വിശ്വാസിനികൾക്കും സത്യനിഷേധികൾക്കും അള്ളാഹു നരകാഗ്നി വാഗ്ദാനം ചെയ്തിരുന്നു.
 അവരതിൽ സ്ഥിര വാസികളാണ്.
 അവർക്ക് അതുമതി.
 അല്ലാഹു അവരെ ശപിച്ചിരിക്കുന്നു.
 അവർക്ക് സ്ഥിരമായ ശിക്ഷയാണ് ഉള്ളത്.

( 69 )( കപടവിശ്വാസികളേ )
 നിങ്ങളുടെ മുമ്പുള്ള വരെ പോലെ
( തന്നെയാണ് നിങ്ങളും)
 അവർ നിങ്ങളെക്കാൾ ശക്തിയുള്ള വരും നിങ്ങളെ അപേക്ഷിച്ച് കൂടുതൽ സമ്പത്തും
 സന്താനങ്ങളും ഉള്ളവരായിരുന്നു.
 എന്നിട്ട് തങ്ങളുടെ വിഹിതം കൊണ്ട് അവർ സുഖം അനുഭവിച്ചു.
 നിങ്ങളുടെ മുമ്പുള്ളവർ തങ്ങളുടെ വിഹിതം കൊണ്ട് സുഖം അനുഭവിച്ചത് പോലെ സ്വന്തം വിഹിതം കൊണ്ടു നിങ്ങളും പ്രവേശിച്ചു.
 അവരുടെ പ്രവർത്തനങ്ങൾ ഇഹത്തിലും പരത്തിലും നിഷ്ഫലമായി പോയി.
 അവർ നഷ്ടപ്പെട്ടവർ തന്നെയാകുന്നു.

( 70 ) അവർക്കു മുമ്പ് കഴിഞ്ഞുപോയ നൂഹ് നബിയുടെ ജനത, ആദ്, സമൂദ്, ഇബ്രാഹിം നബിയുടെ ജനത, മദ് യൻ കാർ, കീഴ്മേൽ ആയി മറിക്കപ്പെട്ട
( ലൂത്ത് നബിയുടെ)
 നാട്ടുകാർ എന്നിവരുടെ ചരിത്രം അവർക്ക് വന്നു കിട്ടിയിട്ടില്ലേ?
 തങ്ങളുടെ ദൂതന്മാർ ദൃഷ്ടാന്തങ്ങളും ആയി അവളുടെ അടുത്ത് ചെന്നു.
 അല്ലാഹു അവരെ ദ്രോഹിച്ചിരുന്നില്ല.
 പക്ഷേ അവർ സ്വന്തത്തെ തന്നെ ദ്രോഹിക്കുകയാണ് ചെയ്തിരുന്നത്.

( 71 ) സത്യവിശ്വാസികളും സത്യവിശ്വാസിനികളും ആകട്ടെ പരസ്പരം ബന്ധുക്കളാണ്.
 അവർ നല്ലത് ഉപദേശിക്കുകയും ചീത്ത വിരോധിക്കുകയും, നിസ്കാരം മുറപ്രകാരം നിർവഹിക്കുകയും, സക്കാത്ത് കൊടുക്കുകയും, അല്ലാഹുവിനെയും അവന്റെ റസൂലിനെയും അനുസരിക്കുകയും ചെയ്യുന്നു.
 അവർക്ക് അല്ലാഹു കരുണ ചെയ്യുന്നതാണ്.
 തീർച്ചയായും അല്ലാഹു അജയ്യനും യുക്തിമാനുമാകുന്നു.

( 72 ) സത്യവിശ്വാസികൾക്കും സത്യവിശ്വാസിനികൾക്കും അള്ളാഹു സ്വർഗ്ഗങ്ങൾ വാഗ്ദാനം ചെയ്തിരിക്കുന്നു.
 അവിടെ താഴ്ഭാഗത്തുകൂടി നദികൾ ഒഴുകിക്കൊണ്ടിരിക്കും.
 അവരതിൽ സ്ഥിര വാസികളാണ്.
 എന്നെന്നും നിലനിൽക്കുന്ന സ്വർഗ്ഗങ്ങളിൽ ഉൽകൃഷ്ട ങ്ങളായ ഭവനങ്ങളെ യും
( അവൻ വാഗ്ദാനം ചെയ്തിരിക്കുന്നു)
 അല്ലാഹുവിങ്കൽ നിന്നുള്ള പ്രീതി ഏറ്റവും വലുതാണ്.
 അതുതന്നെയാണ് വമ്പിച്ച വിജയം.

( 73 ) പ്രവാചകരേ, സത്യനിഷേധികളോടും കപടവിശ്വാസികളോടും താങ്കൾ സമരം ചെയ്യുകയും
 പരുഷമായി പെരുമാറുകയും ചെയ്യുക.
 അവരുടെ വാസസ്ഥലം നരകമാണ്.
 ആ പരിണാമ സ്ഥാനം എത്ര ദുഷിച്ച താണ്.

( 74 ) തങ്ങൾ അതൊന്നും പറഞ്ഞിട്ടില്ലെന്ന്
 അല്ലാഹുവിനെ കൊണ്ട് അവർ സത്യം ചെയ്യുന്നു.
 തീർച്ചയായും അവർ സത്യ നിഷേധത്തിന്റ വാക്ക്  പറയുകയും, അനുസരണം കാണിച്ചതിനു ശേഷം സത്യനിഷേധം കൈക്കൊള്ളുകയും, നിറവേറ്റാൻ കഴിയാത്തതു  നടത്തുവാൻ ആലോചിക്കുകയും ചെയ്തിട്ടുണ്ട്.
 അല്ലാഹുവും  അവന്റെ റസൂലും അല്ലാഹുവിങ്കൽ അനുഗ്രഹത്തിൽ നിന്ന് അവർക്ക് ഐശ്വര്യം നൽകി എന്നതല്ലാതെ
 അവരുടെ വിരോധത്തിന് മറ്റൊരു കാരണവും ഇല്ലാതെ തന്നെ.
 ഇനി ഖേദിച്ചുമടങ്ങുക ആണെങ്കിൽ അത് അവർക്ക് നല്ലതാണ്.
 പിന്തിരിഞ്ഞു പോവുകയാണെങ്കിലോ അല്ലാഹു അവർക്ക് ഇഹത്തിലും പരത്തിലും വേദനാജനകമായ ശിക്ഷ നൽകും.
 ഭൂമിയിൽ അവർക്ക് യാതൊരു രക്ഷകനും സഹായിയും ഇല്ല.

( 75 ) അല്ലാഹുവിന്റെ അനുഗ്രഹത്തിൽ നിന്ന് എന്തെങ്കിലും നൽകിയാൽ ഞങ്ങൾ തീർച്ചയായും ദാനം ചെയ്യുമെന്നും
 സദ് വ്യത്തരുടെ കൂട്ടത്തിൽ ഉൾപ്പെട്ട് കൊള്ളാമെന്നും
 അല്ലാഹുവിന്റെ കരാർ ചെയ്തവരും അവരിൽ
( കപട വിശ്വാസികളിൽ) തന്നെയുണ്ട്.

( 76 ) അങ്ങനെ അല്ലാഹുവിന്റെ തന്റെ അനുഗ്രഹത്തിൽ നിന്ന് നൽകിയപ്പോൾ അവരത്‌ കൊണ്ട് പിശുക്ക് കാണിക്കുകയും
 അഗണ്യമാക്കിയവർ ആയി പിന്തിരിഞ്ഞു കളയുകയും ചെയ്തു.


( 77 ) അപ്പോൾ തന്നെ കണ്ടുമുട്ടുന്ന ദിവസം വരെയും അവരുടെ ഹൃദയങ്ങളിൽ അല്ലാഹു കാപട്യം കുടിയിരുത്തി.
 അവർ അല്ലാഹുവുമായി ഉണ്ടാക്കിയ കരാർ ലംഘിക്കുകയും കളവു പറഞ്ഞു കൊണ്ടിരിക്കുകയും ചെയ്തത് കൊണ്ട് തന്നെ.

( 78 ) അവരുടെ രഹസ്യവും ഗൂഢാലോചനയും അള്ളാഹു അറിയുക തന്നെ ചെയ്യും എന്നതും, എല്ലാ  മറഞ്ഞ കാര്യങ്ങളും അവൻ നല്ലതുപോലെ അറിയുന്നവൻ ആണെന്നും അവർ ഗ്രഹിച്ചിട്ടില്ലേ  ?

( 79 ) സ്വമനസ്സാലെ ധാരാളം ദാനം ചെയ്യുന്ന സത്യവിശ്വാസികളെയും, അധ്വാനിച്ച് കുറഞ്ഞ വസ്തു ദാനം ചെയ്യുന്നവരെയും ആക്ഷേപിക്കുകയും പരിഹസിക്കുകയും ചെയ്യുന്നവർ ആരോ, അവർക്ക് തങ്ങളുടെ പരിഹാസത്തിനുള്ള പ്രതിഫലം അല്ലാഹു നൽകുന്നതാണ്.
 അവർക്ക് വേദനാജനകമായ ശിക്ഷ ഉണ്ട്. 

( 80 ) താങ്കൾ അവർക്കുവേണ്ടി പൊറുക്കലിനെ തേടുക.
 അല്ലെങ്കിൽ പൊറുക്കലിനെ തേടാതിരിക്കുക.
( രണ്ടും അവരെ സംബന്ധിച്ച് തുല്യമാണ്)
 താങ്കൾ അവർക്കുവേണ്ടി എഴുപതു പ്രാവശ്യം പൊറുക്കലിനെ തേടിയാലും അല്ലാഹു പൊറുക്കുകയില്ല.
 അത് എന്തുകൊണ്ടെന്നാൽ തീർച്ചയായും അവർ അല്ലാഹുവിനെയും റസൂലിനെയും നിഷേധിച്ചിരിക്കുന്നു.
 കുറ്റവാളികളായ ജനതയെ അല്ലാഹു സന്മാർഗത്തിൽ ആകുകയില്ല.

( 81 ) പിന്മാറ്റ പെട്ടവർ അല്ലാഹുവിന്റെ റസൂൽ പോയതിനുശേഷം
 (സ്വന്തം വീടുകളിൽ)
 ഇരുന്നത് കൊണ്ട് സന്തോഷിക്കുകയും, തങ്ങളുടെ ശരീരങ്ങൾ കൊണ്ടും സമ്പത്തുകൊണ്ടും അല്ലാഹുവിന്റെ മാർഗത്തിൽ സമരം ചെയ്യുന്നതിനെ വെറുക്കുകയും ചെയ്തു.
" ഈ ഉഷ്ണ  കാലത്ത് നിങ്ങൾ യുദ്ധത്തിന് പോകരുത്" എന്ന്( മറ്റുള്ളവരെ)
 ഉപദേശിക്കുകയും ചെയ്തു.
 പറയുക.
 നരകാഗ്നി അതികഠിനമായ ചൂട് ഉള്ളതാണ്.
 അതവർ മനസ്സിലാക്കിയിരുന്നെങ്കിൽ
( യുദ്ധത്തിന് പുറപ്പെടുമായിരുന്നു)

( 82 ) അവർ കുറച്ചു ചിരിക്കുകയും തങ്ങൾ പ്രവർത്തിച്ചുകൊണ്ടിരുന്ന ഫലമായി ധാരാളം കരയുകയും ചെയ്യട്ടെ.

( 83 ) ഇനി അവരിൽ ഒരു വിഭാഗത്തിനു് അടുത്തേക്ക് താങ്കളെ അല്ലാഹു മടക്കി എത്തിക്കുകയും എന്നിട്ട്
( മറ്റൊരിക്കൽ യുദ്ധത്തിന്)
 പുറപ്പെടാൻ അവർ അനുവാദം ചോദിക്കുകയും ചെയ്താൽ
 താങ്കൾ പറയണം.
 നിങ്ങൾ എന്റെ കൂടെ ഒരിക്കലും പുറപ്പെടരുത്.
 എന്നോടൊപ്പം ഒരു ശത്രുവിനോടും  നിങ്ങൾ യുദ്ധം ചെയ്യരുത്.
 ആദ്യ പ്രാവശ്യം അകന്നു നിൽക്കാൻ ആണല്ലോ നിങ്ങൾ ഇഷ്ടപ്പെട്ടത്.
 അതുകൊണ്ട് അകന്നു നിൽക്കുന്നവരോടൊപ്പം ചേർന്ന് കൊള്ളുക.

( 84 ) അവരിൽ ആരു  മരണപ്പെട്ടാലും അവനുവേണ്ടി താങ്കൾ നിസ്കരിക്കുകയോ, 
 അവന്റെ ഖബറിങ്കൽ  നിൽക്കുകയോ  ചെയ്യരുത്.
 അവർ അല്ലാഹുവിലും അവന്റെ റസൂലിലും അവിശ്വസിക്കുകയും കുറ്റവാളികളായി മരണമടയുകയും ചെയ്തിരിക്കുന്നു
 തീർച്ച.

( 85 ) അവരുടെ സ്വത്തുക്കളും സന്താനങ്ങളും താങ്കളിൽ അത്ഭുതം തോന്നരുത്. അവകൊണ്ട് ഇഹലോകത്ത് വെച്ച് തന്നെ അവരെ ശിക്ഷിക്കണമെന്നും, സത്യനിഷേധികൾ ആയിരിക്കെ  അവരുടെ
 ശിവൻ വിട്ടുപോകണം എന്നു മാത്രമാണ് അല്ലാഹു ഉദ്ദേശിക്കുന്നത്.

( 86 ) നിങ്ങൾ അല്ലാഹുവിൽ വിശ്വസിക്കുകയും അവന്റെ റസൂലിനോ ടൊപ്പം പോരാടുകയും ചെയ്യുക എന്ന് നിർദ്ദേശിച്ചു കൊണ്ട് ഒരു അധ്യായം അവതരിപ്പിക്കപ്പെട്ടാൽ അവരുടെ കൂട്ടത്തിൽ ഉള്ള ധനികൻ മാർ
( യുദ്ധത്തിൽ നിന്ന് ഒഴിഞ്ഞു നിൽക്കാൻ)
 താങ്കളോട് സമ്മതം ചോദിക്കുകയും, തങ്ങളെ ഒഴിവാക്കി തരണേ, ഞങ്ങൾ ഇരിക്കുന്നവരുടെ കൂട്ടത്തിൽ ചേർന്നു കൊള്ളാം എന്നു പറയുകയും ചെയ്യും.

( 87 ) സ്ത്രീകളോട് ഒന്നിച്ചിരുന്ന് ഇരിക്കുന്നതുകൊണ്ട് അവർ തൃപ്തർ ആവുക യും അവരുടെ ഹൃദയങ്ങളിൽ മുദ്രകുത്തപ്പെടുകയും  ചെയ്തിരിക്കുന്നു.
 അതിനാൽ അവർ മനസ്സിലാക്കുന്നില്ല.

( 88 ) എന്നാൽ അല്ലാഹുവിന്റെ റസൂലും അദ്ദേഹത്തോടൊപ്പം വിശ്വസിച്ചവരും തങ്ങളുടെ ശരീരവും സമ്പത്ത് കൊണ്ടും  യുദ്ധം ചെയ്തു.
 പലതരം നന്മകളും അവർക്കുണ്ട്.
 അവർ തന്നെയാണ് വിജയികളും. 

( 89 ) താഴ്ഭാഗത്തുകൂടി നദികൾ ഒഴുകിക്കൊണ്ടിരിക്കുന്ന സ്വർഗ്ഗങ്ങൾ അള്ളാഹു അവർക്ക് വേണ്ടി തയ്യാറാക്കി വെച്ചിട്ടുണ്ട്.
 അവരതിൽ സ്ഥിര വാസികളാണ്. അതാണ് മഹത്തായ വിജയം.

( 90 ) ഗ്രാമീണരിൽ നിന്ന്  ഒഴിവുകഴിവുകൾ പറയുന്നവർ സമ്മതം ലഭിക്കേണ്ടതിനായി നബിയുടെ അടുത്ത് വന്നു.
 അല്ലാഹുവിനോടും അവന്റെ റസൂലിനോടും കളവു പറഞ്ഞു അവർ  ഇരിക്കുകയും ചെയ്തു.
 അവരുടെ കൂട്ടത്തിൽ ഉള്ള സത്യനിഷേധികളെ വേദനാജനകമായ ശിക്ഷ ബാധിക്കുന്നതാണ്.

( 91 ) ബലഹീനർ, രോഗികൾ, ചെലവ് ചെയ്യാൻ വക ഇല്ലാത്തവർ എന്നിവർക്ക്, അല്ലാഹുവിനോടും റസൂലിനോടും കൂറുള്ളവർ ആയാൽ യാതൊരു കുറ്റവുമില്ല.
 സുകൃതം ചെയ്യുന്നവരുടെ പേരിൽ
( കുറ്റം ആരോപിക്കാൻ ) ഒരു മാർഗ്ഗവുമില്ല.
 അള്ളാഹു ഏറ്റവും പൊറുക്കുന്നവനും പരമകാരുണികനും ആണ്.

( 92 ) തങ്ങളെ വാഹനത്തിൽ കയറ്റി കൊണ്ടുപോകാനായി താങ്കളുടെ അടുത്ത് വന്ന സമയം
" നിങ്ങളെ കയറ്റി കൊണ്ടു പോകാൻ തക്ക വാഹനം എന്റെ പക്കൽ ഇല്ല" എന്ന് താങ്കൾ പറഞ്ഞപ്പോൾ ആവശ്യമായ ചിലവുകൾക്ക് വകയില്ലാത്തതിലുള്ള പ്രയാസം മൂലം കണ്ണുനീർ ഒഴുക്കി കൊണ്ട് മടങ്ങി പോയവർക്കും കുറ്റമില്ല.

( 93 ) സമ്പത്ത് ഉള്ളവരായിരിക്കെ താങ്കളോട്
( യുദ്ധത്തിൽ നിന്ന് ഒഴിഞ്ഞു നിൽക്കാൻ)
 സമ്മതം ചോദിക്കുന്നവരെ സംബന്ധിച്ച് മാത്രമേ( കുറ്റപ്പെടുത്താൻ)
 മാർഗ്ഗമുള്ളൂ.
 സ്ത്രീകളോടൊപ്പം ആയിരിക്കാനാണ് അവർക്ക് ഇഷ്ടപ്പെട്ടത്.
 അല്ലാഹു അവരുടെ ഹൃദയങ്ങളിൽ മുദ്ര വെച്ചിരിക്കുന്നു.
 അതിനാൽ അവർ ഗ്രഹിക്കുന്നില്ല..

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

Quran Malayalam