56-Surathul Vakhiya -51-96
അദ്ധ്യായം-56
സൂറത്തുൽ വാഖിഅ
അവതരണം- മക്ക
സൂക്തങ്ങൾ-96
( ഞാൻ ആരംഭിക്കുന്നു )....
( 51-52 )( അതുമാത്രമല്ല )
പിന്നീട് സത്യനിഷേധികളായ വഴിപിഴച്ചവരെ, നിങ്ങൾ സഖ് ഖും എന്ന ഒരു
( തരം ) വൃക്ഷത്തിൽ നിന്ന് തിന്നുകയും ചെയ്യും....
( 53-54 ) അങ്ങനെ അതിൽ നിന്ന് നിങ്ങൾ വയർ നിറയ്ക്കുകയും, എന്നിട്ട് അതിനുമീതെ ചുട്ടു തിളക്കുന്ന വെള്ളത്തിൽ നിന്ന് കുടിക്കുകയും ചെയ്യും.....
( 55 ) ദാഹിച്ച വലഞ്ഞ ഒട്ടകം കുടിക്കുന്നതുപോലെ നിങ്ങൾ കുടിക്കും....
( 56 ) ഇതാണ് പ്രതിഫല ദിവസം അവർക്ക് ലഭിക്കുന്ന സൽക്കാരം....
( 57 ) നാമാണ് നിങ്ങളെ സൃഷ്ടിച്ചിരിക്കുന്നത്.
അപ്പോൾ എന്തുകൊണ്ട് നിങ്ങൾ വിശ്വസിക്കുന്നില്ല ?
( 58 )( സ്ത്രീകളുടെ ഗർഭ പാത്രങ്ങളിൽ )
നിങ്ങൾ നിക്ഷേപിക്കുന്ന ശുക്ലത്തെക്കുറിച്ച് നിങ്ങൾ ചിന്തിച്ചിട്ടുണ്ടോ ?
( 59 ) നിങ്ങളാണോ അതിനെ
സൃഷ്ടിക്കുന്നത് ? അതല്ല നാമാണോ സൃഷ്ടിക്കുന്നത് ?
( 60 ) നിങ്ങൾക്കിടയിൽ മരണം നിശ്ചയിച്ചതും നാം തന്നെയാണ്.
നാം ഒരിക്കലും പരാജിതരാവുകയില്ല....
( 61 ) നിങ്ങളെ പോലെയുള്ളവരെ പകരം കൊണ്ടുവരികയും, നിങ്ങൾക്കറിയാത്ത തരത്തിൽ നിങ്ങൾ
( വളർത്തി )
ഉണ്ടാക്കുകയും ചെയ്യുന്നതിൽ.....
( 62 ) ഒന്നാമത്തെ സൃഷ്ടിപ്പിനെ പറ്റി നിങ്ങൾ അറിയുക തന്നെ ചെയ്തിട്ടുണ്ട്.
അപ്പോൾ നിങ്ങൾ എന്തുകൊണ്ട് ചിന്തിക്കുന്നില്ല ?
( 63 ) എന്നാൽ നിങ്ങൾ വിളയിറക്കുന്നതിനെ പറ്റി നിങ്ങൾ ചിന്തിച്ചിട്ടുണ്ടോ ?
( 64 ) നിങ്ങളാണോ അതിനെ മുളപ്പിച്ച് വളർത്തുന്നത് ? അതോ നാം ആണോ അതിനെ മുളപ്പിച്ച് വളർത്തുന്നത് ?
( 65 ) നാം ഉദ്ദേശിച്ചിരുന്നെങ്കിൽ അതിനെ ഉണക്കി വൈക്കോൽ ആക്കി കളയുകയും അപ്പോൾ നിങ്ങൾ ദുഃഖിച്ചു
( ഇങ്ങനെ )
പറയുകയും ചെയ്യുമായിരുന്നു...
( 66 ) തീർച്ചയായും നാം
( വിള നഷ്ടപ്പെട്ടു )
കടബാധ്യതരായിത്തീർന്നിരിക്കുന്നു....
( 67 ) മാത്രമല്ല നാം
( ഉപജീവനം )
തടയപ്പെട്ടവരാക്കുകയും ചെയ്തിരിക്കുന്നു..
( 68 ) നിങ്ങൾ കുടിക്കുന്ന വെള്ളത്തെ പറ്റി നിങ്ങൾ ചിന്തിച്ചിട്ടുണ്ടോ ?
( 69 ) നിങ്ങളാണോ അത് മേഘത്തിൽ നിന്ന് ഇറക്കിയത്?
അതല്ല നാമാണോ ഇറക്കിയത്
( മഴ പെയ്യിച്ചത് ).....
( 70 ) നാം ഉദ്ദേശിച്ചിരുന്നെങ്കിൽ അതിനെ നാം ഉപ്പുവെള്ളമാക്കുമായിരുന്നു.
എന്നിരിക്കെ നിങ്ങൾ നന്ദി കാണിക്കാത്തത് എന്തുകൊണ്ടാണ് ?
( 71 ) ഇനി നിങ്ങൾ
( ഉരസി )
കത്തിക്കുന്ന തീയെക്കുറിച്ച് നിങ്ങൾ ചിന്തിച്ചിട്ടുണ്ടോ ?
( 72 ) അതിന്റെ മരം ഉണ്ടാക്കിയത് നിങ്ങളാണോ ?
അതോ നാമാണോ അതുണ്ടാക്കിയത് ?
( 73 ) അതിനെ നാം ഒരു സ്മരണയും സഞ്ചാരികൾക്ക് ഒരു ഉപകരണവും ആക്കിയിരിക്കുന്നു.....
( 74 ) അതുകൊണ്ട് അത്യുന്നതനായ നാഥന്റെ നാമത്തിൽ പരിശുദ്ധിയെ താങ്കൾ പ്രകീർത്തനം ചെയ്യുക......
( 75 ) എന്നാൽ നക്ഷത്രങ്ങളുടെ അസ്തമന സ്ഥാനങ്ങൾ കൊണ്ടു നാം സത്യം ചെയ്തു പറയുന്നു..
( 76 ) അതൊരു മഹത്തായ സത്യം തന്നെയാണ്.
നിങ്ങൾ ബോധം ഉള്ളവരാണെങ്കിൽ
( അതിന്റെ മഹത്വം
മനസ്സിലാക്കുമായിരുന്നു ).....
( 77 ) തീർച്ചയായും ഇത് ആദരണീയമായ ഖുർആൻ ആകുന്നു....
( 78 ) സുരക്ഷിതമായ ഒരു ഗ്രന്ഥത്തിൽ
( ഇത് സ്ഥിതി ചെയ്യുന്നു ).....
( 79 ) ശുദ്ധിയാക്കപ്പെട്ടവരല്ലാതെ ഇതിനെ സ്പർശിക്കുകയില്ല......
( 80 ) ഇത് ലോക രക്ഷിതാവിങ്കൽ നിന്ന് അവതരിച്ചതാണ്....
( 81 ) ഈ വാർത്തയാണോ നിങ്ങൾ നിഷേധിക്കുന്നത് ?
( 82 ) നിങ്ങളുടെ ആഹാരത്തെ
( അതിനുള്ള നന്ദിയെ )
നിങ്ങൾ കള്ളം പറയലാക്കുകയാണോ ?
( 83 ) എന്നാൽ അത്
( ജീവൻ)
തൊണ്ടക്കുഴിയിൽ എത്തുമ്പോൾ .....
( 84 ) നിങ്ങളാകട്ടെ അന്നേരം നോക്കി നിൽക്കുന്നവരാണ്....
( 85 ) നാമാകട്ടെ അവനോട് നിങ്ങളേക്കാൾ അടുത്തവനാണ്.
പക്ഷേ നിങ്ങൾ അത് കാണുന്നില്ല.....
( 86-87 ) എന്നാൽ നിങ്ങൾ പ്രതിഫലനടപടിക്ക്
വിധേയരാക്കപ്പെടാത്തവരാണെങ്കിൽ എന്തുകൊണ്ട് ആ ജീവനെ
( പൂർവ്വ സ്ഥാനത്തേക്ക് )
മടക്കുന്നില്ല ?
( മരണാനന്തര ജീവിതത്തെ നിഷേധിക്കുന്നതിൽ )
നിങ്ങൾ സത്യസന്ധരാണെങ്കിൽ....
( 88 ) അപ്പോൾ അവൻ
( മരണപ്പെടുന്നവർ അല്ലാഹുവിന്റെ )
സാമിപ്യം സിദ്ധിച്ചവരിൽ പ്പെട്ടവൻ ആണെങ്കിൽ.......
( 89 ) അവന് ആശ്വാസവും വിശിഷ്ടമായ ആഹാരവും സുഖസമ്പൂർണമായ സ്വർഗ്ഗവും ആണ് ലഭിക്കുക.....
( 90 ) ഇനി അവൻ വലതുപക്ഷക്കാരിൽ പ്പെട്ടവൻ ആണെങ്കിലോ ?
( 91 ) വലതുപക്ഷക്കാരിൽ പ്പെട്ടവൻ ആയതുകൊണ്ട് നിനക്ക് സമാധാനം
( എന്ന് അവനോട് പറയപ്പെടും )....
( 92 ) ഇനി അവൻ വഴിതെറ്റിപ്പോയ കള്ള വാദികളിൽ പെട്ടവൻ ആണെങ്കിലോ?
( 93 -94 ) എങ്കിൽ ചുട്ടു തിളക്കുന്ന വെള്ളം കൊണ്ടുള്ള സൽക്കാരവും, ജ്വലിക്കുന്ന നരകത്തിന്റെ
കരിക്കലും
( ആയിരിക്കും അവന് ലഭിക്കുക ).....
( 95 ) തീർച്ചയായും ഇതെല്ലാം ഉറച്ച സത്യം തന്നെയാണ്..,
( 96 ) അതുകൊണ്ട് താങ്കളുടെ നാഥന്റ പേരിന്റെ പരിശുദ്ധിയെ പ്രകീർത്തിക്കുക......
