82-Surathul Infithar -01-19

അദ്ധ്യായം-82
 സൂറത്തുൽ ഇൻഫിഥാർ 
 അവതരണം-മക്ക 
 സൂക്തങ്ങൾ-19


പരമകാരുണികനും കരുണാനിധിയുമായ അല്ലാഹുവിന്റെ നാമത്തിൽ 
 ( ഞാൻ ആരംഭിക്കുന്നു )....

( 01 ) ആകാശം പൊട്ടി പിളരുമ്പോൾ... 

( 02 ) നക്ഷത്രങ്ങൾ ഉതിർന്നു വീഴുകയും ചെയ്യുമ്പോൾ.... 

( 03 ) സമുദ്രങ്ങൾ പൊട്ടി ഒഴുക്കപ്പെടുകയും 
ചെയ്യുമ്പോൾ.... 

( 04 ) ഖബറുകൾ മറിക്കപ്പെടുകയും 
 ചെയ്യുമ്പോൾ.... 

( 05 ) ഓരോ വ്യക്തിയും താൻ മുൻകൂട്ടി ചെയ്തതും 
( ചെയ്യാതെ )
 ബാക്കി വെച്ചതും എന്തൊക്കെയാണെന്ന് അറിയുന്നതാണ്..... 

( 06-08 ) ഹേ മനുഷ്യാ !
 ഉദാരമായ നിന്റെ നാഥനെ, നിന്നെ സൃഷ്ടിച്ചു  ശരിയാക്കി പാകപ്പെടുത്തിയ, താൻ ഉദ്ദേശിച്ച രൂപത്തിൽ തന്നെ നിന്നെ സംഘടിപ്പിച്ചവനെക്കുറിച്ച് നിന്നെ വഞ്ചിച്ചു കളഞ്ഞത് എന്താണ്  ? 

( 09 ) അങ്ങനെ വേണ്ട. പക്ഷേ പ്രതിഫലം നൽകപ്പെടുന്ന ദിവസത്തെ നിങ്ങൾ നിഷേധിക്കുന്നു.... !

( 10-11 ) തീർച്ചയായും നിങ്ങളുടെ മേൽ സൂക്ഷ്മ വീക്ഷണം നടത്തുന്ന മാന്യന്മാരും എഴുതി രേഖപ്പെടുത്തുന്നവരുമായ ചിലരുണ്ട്.. 

( 12 ) നിങ്ങൾ ചെയ്യുന്നതെല്ലാം അവൻ അറിയുന്നുണ്ട്..... 

( 13 ) തീർച്ചയായും പുണ്യവാന്മാർ സുഖാനുഭവങ്ങളിൽ തന്നെയായിരിക്കും.... 

( 14 ) തീർച്ചയായും കുറ്റവാളികൾ നരകത്തിലും തന്നെയായിരിക്കും.... 


( 15 ) പ്രതിഫലം നൽകപ്പെടുന്ന ദിവസം അവരതിൽ പ്രവേശിക്കും..... 

( 16 ) അവർ അതിൽ നിന്ന് ഒരിക്കലും വിട്ടു പോകുകയില്ല.... 


( 17 ) പ്രതിഫലദിവസം എന്താണെന്ന് താങ്കൾക്ക് അറിവ് നൽകിയത് എന്താണ്  ? 

( 18 ) വീണ്ടും
( ചോദിക്കട്ടെ )
 പ്രതിഫല ദിനം എന്താണെന്ന് താങ്കൾക്ക് അറിവ് നൽകിയത് എന്താണ്  ? 


( 19 ) ഒരാൾ മറ്റൊരാൾക്ക് യാതൊന്നും സ്വാധീനം ആകാത്ത ദിവസമാണത്. 
 അന്ന് എല്ലാ കാര്യങ്ങളും
( അധികാരങ്ങളും )
 അല്ലാഹുവിനാകുന്നു.... 

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

Quran Malayalam