81-Surathu thakveer -01-29

അദ്ധ്യായം-81
സൂറത്തുത്തക് വീർ 
 അവതരണം- മക്ക
 സൂക്തങ്ങൾ-29



പരമകാരുണികനും കരുണാനിധിയുമായ അല്ലാഹുവിന്റെ നാമത്തിൽ
 ( ഞാൻ ആരംഭിക്കുന്നു )....

( 01 ) സൂര്യൻ ചുരുട്ട പ്പെടുമ്പോൾ..... 

( 02 ) നക്ഷത്രങ്ങൾ ഉതിർന്നു വീഴുകയും ചെയ്യുമ്പോൾ... 

( 03 )പർവ്വതങ്ങൾ ചലിപ്പിക്കപ്പെടുകയും  ചെയ്യുമ്പോൾ.... 

( 04 ) പൂർണ്ണ ഗർഭമുള്ള ഒട്ടകങ്ങൾ ഉപേക്ഷിക്കപ്പെടുകയും ചെയ്യുമ്പോൾ.... 

( 05 ) വന്യമൃഗങ്ങൾ ഒരുമിച്ച് കൂട്ടപ്പെടുകയും  ചെയ്യുമ്പോൾ..... 

( 06 ) സമുദ്രങ്ങൾ തിളച്ചു മറിക്കപ്പെടുകയും ചെയ്യുമ്പോൾ.... 

( 07 ) ആളുകൾ കൂട്ടി ഇണക്കപ്പെടുകയും  ചെയ്യുമ്പോൾ.... 

( 08-09 ) ജീവനോടെ കുഴിച്ചു മൂടപ്പെട്ട പെൺകുട്ടിയോട് എന്ത് കുറ്റത്തിനാണ് കൊല്ലപ്പെട്ടത് എന്ന് ചോദിക്കപ്പെടുകയും  ചെയ്യുമ്പോൾ.... 

( 10 ) ഏടുകൾ തുറക്കപ്പെടുകയും ചെയ്യുമ്പോൾ.... 

( 11 ) ആകാശം
( അതിന്റെ സ്ഥാനത്തുനിന്ന് )
 നീക്കപ്പെടുകയും ചെയ്യുമ്പോൾ.... 

( 12 ) നരകം ആളികത്തിക്ക പെടുകയും ചെയ്യുമ്പോൾ.... 

( 13 ) സ്വർഗ്ഗം അടുപ്പിച്ചു കൊണ്ടുവരപ്പെടുകയും  ചെയ്യുമ്പോൾ.... 

( 14 ) ഓരോ വ്യക്തിയും താൻ തയ്യാറാക്കി കൊണ്ടു വന്നത് എന്താണെന്ന് അറിയുന്നതാണ്... 


( 15-16 ) പിൻവാങ്ങി പോകുന്നവയും, സഞ്ചരിച്ചുകൊണ്ടിരിക്കുന്നവയും, മറഞ്ഞു കൊണ്ടിരിക്കുന്നവയും കൊണ്ട് നാം  സത്യം ചെയ്യുന്നു.. 


( 17 ) രാത്രി കൊണ്ടും
( നാം സത്യം ചെയ്യുന്നു )
 അത്
( ഇരുട്ടായി )
 മുന്നോട്ടു പോകുമ്പോൾ.... 

( 18 ) പ്രഭാതം കൊണ്ടും
( നാം സത്യം ചെയ്യുന്നു )
 ഇത് വെളിച്ചം വീശി വികസിച്ചു വരുമ്പോൾ..... 


( 19-21 ) തീർച്ചയായും ഇത്
( ഖുർആൻ )
 ആദരണീയനായ- ശക്തനും അർശിന്റ നാഥന്റ അടുത്ത്  സ്ഥാനം ഉള്ളവനും
 അവിടെ
( വാനലോകത്ത് )
 അനുസരിക്കപ്പെടുന്നവനും വിശ്വസ്തനുമായ- ഒരു ദൂതൻ എത്തിച്ചു തരുന്ന വാക്ക് ആകുന്നു.... 

( 22 ) നിങ്ങളുടെ കൂട്ടുകാരൻ
( മുഹമ്മദ് നബി )
 ഒരു ഭ്രാന്തൻ അല്ല താനും.... 

( 23 ) തീർച്ചയായും അദ്ദേഹത്തെ
( ആ ദൂതനെ )
 വ്യക്തമായ ചക്രവാളത്തിൽ വെച്ച് നബി കണ്ടിട്ടുണ്ട്.... 


( 24 ) അദ്ദേഹമാകട്ടെ അദൃശ്യ കാര്യങ്ങളെക്കുറിച്ച് സംശയിക്കപ്പെടുന്ന ആളുമല്ല.... 

( 25 ) അത്
( ഖുർആൻ )
 ശപിക്കപ്പെട്ട പിശാചിന്റ  വാക്കും അല്ല.... 

( 26 ) എന്നിരിക്കെ നിങ്ങൾ എങ്ങോട്ടാണ് പോകുന്നത്  ? 

( 27 ) ഇത് 
( ഖുർആൻ ) ലോകജനതക്ക് ഉള്ള ഒരു ഉദ്ബോധനം അല്ലാതെ മറ്റൊന്നുമല്ല.... 


( 28 ) അതായത് നിങ്ങളിൽനിന്ന് നേരായി 
( നേരിന്റ  മാർഗ്ഗത്തിൽ )
നിൽക്കാൻ ഉദ്ദേശിക്കുന്നവർക്ക്..... 

( 29 ) ലോകനാഥനായ അള്ളാഹു ഉദ്ദേശിച്ചത് അല്ലാതെ നിങ്ങൾ ഉദ്ദേശിക്കുകയില്ല  താനും..... 

Popular posts from this blog

Quran Malayalam